Եթե Դուք կորցրել եք SIM-քարտի PIN/PUK-կոդերը պարունակող ծրարը, Beeline-ի բաժանորդների սպասարկման կենտրոնում Ձեզ կօգնեն դրանք վերականգնել:

Կանխավճարային հաշվարկային համակարգի բաժանորդներին PIN/PUK կոդերը տրամադրվում են բջջային հեռախոսահամարի տիրոջ կամ նրա վստահված անձի (նոտարի կողմից հաստատված լիազորագրով) կողմից Beeline-ի բաժանորդների սպասարկման կենտրոն ¹ կատարած այցի ժամանակ` գրավոր դիմումի հիման վրա:

Եթե բաժանորդը իրավաբանական անձ է`

• տվյալ կազմակերպության վստահված անձը ներկայացնում է անձնագիր և նոտարի կողմից հաստատված լիազորագիր
• լրացնում է հայտ PIN/PUK կոդերի վերականգնման համար
• нանվանում է ամենահաճախ հավաքվող նվազագույնը երեք հեռախոսահամար:

Հետվճարային հաշվարկային համակարգի բաժանորդներին PIN/PUK կոդերը տրամադրվում են բանավոր դիմումի համաձայն` 0611 հեռախոսահամարով2:

Պատրաստ եղեք, խնդրեմ, հայտնել Ձեր անձնագրային տվյալներն ըստ պայմանագրի: Եթե Ձեր հեռախոսահամարը գրանցված է կազմակերպության անվան տակ, անհրաժեշտ է հայտնել վերջինիս իրավաբանական հասցեն, վստահված անձի անունը և ազգանունը և կոնտակտային հեռախոսահամարը: Մեկ աշխատանքային օրվա ընթացքում Ձեզ կզանգահարի Beeline-ի հաճախորդների սպասարկման աջակցման բաժնի մասնագետը, պատրաստ եղեք հայտնել կազմակերպության անվանումը, հասցեն, հարկային վավերապայմանները, հեռախոսահամարը, որի համար պահանջվել են PIN/PUK կոդերը, վստահված անձի անունը և ազգանունը և այլն: Ձեր կողմից տրամադրված` պայմանագրի տվյալները պարունակող տեղեկատվությանը համապատասխան, Ձեզ կթելադրվեն PIN/PUK կոդերը:

SIM-քարտի արգելաբացման համար PUK-կոդն անհրաժեշտ է այն դեպքում, եթե Դուք երեք անգամ սխալ եք մուտքագրել PIN-կոդը:

Որպեսզի արգելաբացվի PIN2-ը, հավաքեք`
**052* PUK2-կոդը * նոր PIN2-կոդը * կրկնեք նոր PIN2-կոդը #   

Որպեսզի արգելաբացվի PIN1-ը, հավաքեք`
**05* PUK1-կոդը * նոր PIN1-կոդը * կրկնեք նոր PIN1-կոդը # 

Ուշադրությու՛ն.
Ուշադիր եղեք արգելաբացման հրամանը մուտքագրելիս` PUK-կոդը 10 անգամ սխալ մուտքագրելու դեպքում SIM-քարտը լրիվ կարգելափակվի: Այդ դեպքում Ձեզ անհրաժեշտ կլինի փոխարինել SIM-քարտը:

¹ PIN/PUK կոդերի տրամադրման պայմանների, ինչպես նաև ընթացակարգի տևողության և կարգի մասին մանրամասն տեղեկատվություն տրամադրվում է բաժանորդների սպասարկման կենտրոնում: