Իրավաբանական անձանց համար միջազգային ռոումինգ ծառայության միացումն/անջատումն իրականացվում է բջջային հեռախոսահամարի տիրոջ կամ նրա վստահված անձի (նոտարի կողմից հաստատված լիազորագրով) կողմից «Beeline» հաճախորդների սպասարկման կենտրոն կատարված այցի ժամանակ` լրացված գրավոր հայտի հիման վրա:
Եթե բաժանորդը իրավաբանական անձ է`
- տվյալ կազմակերպության վստահված անձը ներկայացնում է անձնագիր և նոտարի կողմից հաստատված լիազորագիր
- վճարում է հաշվի վրա եղած պարտքը
- լրացնում է «Միջազգային ռոումինգ» ծառայության միացման հայտը
- վճարում է ծառայության համար նախատեսված երաշխիքային վճար` 15,000 դրամի չափով:
Երաշխիքային վճարի չօգտագործված մնացորդը չի վերադարձվում, այլ մնում է բաժանորդի հաշվի վրա` հետագա ծախսերը ծածկելու համար:
Մեծ թվով երկրներում ռոումինգը միանում է ավտոմատ կերպով: Ժամանելով երկիր` ուղղակի միացրեք Ձեր հեռախոսը, մի քանի րոպե անց այն ինքնուրույն կգրանցվի այն ցանցում, որի ազդանշանն ավելի ուժեղ է: Հեռախոսի էկրանին կհայտնվի տեղական օպերատորի կոդը կամ ցանցի անվանումը: Եթե դա տեղի չի ունեցել, փորձեք ընտրել ցանցը ձեռքով` հեռախոսի մենյուի միջոցով (տեґս հեռախոսի շահագործման հրահանգը): Դրանից հետո Դուք կարող եք զանգահարել և զանգեր ընդունել:
Միջազգային ռոումինգ ծառայությունն անջատվում է երկու դեպքում`
- երաշխիքային վճարի գումարի 80% սպառման դեպքում, կամ
- բաժանորդի կողմից միջազգային ռոումինգի անջատման համար ազատ ոճով կազմված գրավոր դիմումի դեպքում:
Եթե ռոումինգի օգտագործման հետ կապված խնդիրներ են առաջացել, դիմեք Beeline-ի բաժանորդների սպասարկման ծառայություն` 0611 կամ +374-8000-0611հեռախոսահամարներով:
